Anton Krueger

Anton Krueger se vorige boeke sluit in: Sunnyside Sal (memoir), Shaggy (kortverhale) en Everyday Anomalies (poësie). Sy toneelstuk Living in Strange Lands is benoem vir ’n FNB – Vita asook die Olive Schreiner – Toekenning, en ’n radioweergawe daarvan is op SAFM uitgesaai. Die teks is onlangs verwerk as Strange Land, en die nuwe weergawe open by die Markteater in Mei 2019. Sy Afrikaanse radiodrama Altyd was op die kortlys vir die RSG Sanlam Radio Drama-prys en is in 2013 uitgesaai. Easter Island is gekortlys uit 1000 inskrywings vir die BBC World Radio Drama-toekenning in 2016. Dit is uitgesaai op SAFM in 2018. Hy was die naaswenner vir die Dalro Poetry-prys in 2011, het die Rhodes Visekanselier boektoekenning ontvang in 2011 (vir Experiments in Freedom) en die Hiddingh-Currie- toekenning in 2018 (vir Magnet Theatre: Making Space). Hy ontvang ’n BASA silwermedalje vir Kunstejoernalistiek in 2017 en sy roman Disruption is gelys vir die Dinaane Debuutfiksieprys in 2018.


 

Antoinette Louw

Antoinette Louw is ‘n aktrise en skrywer. In 2014 ontvang sy die SAFTA vir Beste Aktrise in ‘n Vollengte Film vir haar spel in Deon Meyer se Die Laaste Tango – die hoogste toekenning in Suid-Afrika vir filmspel en ‘n eerste vir ‘n Afrikaanse aktrise. Vir haar eerste vroulike hoofrol in ‘n internasionale film, An Act of Defiance, ontvang sy die Cape Town International Film Market and Festival se toekenning vir Beste Aktrise – ook ’n eerste vir ’n Suid-Afrikaanse aktrise. Sy het ook al verskeie dramatekste na Afrikaans vertaal, was mede-skrywer van die bekroonde teaterstuk Amper, Vrystaat, en is ’n rubriekskrywer vir Beeld en Netwerk 24.